ፀሐይ:- የኢትዮጵያ አቪዬሽን አጀማመር

“ፀሐይ፡- የኢትዮጵያ አቪዬሽን አጀማመር”

አዲስ መጽሐፍ

ደራሲ፡- ካፒቴን ዘላለም አንዳርጌ

አሳታሚ – የኢትዮጵያ አካዳሚ ፕሬስ

የኢትዮጵያ ሳይንስ አካዳሚ አንድ ክንፍ የሆነው የኢትዮጵያ አካዳሚ ፕሬስ፣ በኢትዮጵያ ሳይንሳዊ እውቀትን ለማስፋፋት፣ ምርምሮችን ለማበረታታት እና ሳይንስን የባህሎቻችን አካል ለማድረግ የሚረዱ መጻሕፍትን መርጦ፣ በባለሙያዎች አስመርምሮ እና አስገምግሞ፣ እንዲሁም በጥልቅ የአርትዖት ሒደት አሳልፎ በከፍተኛ ጥራት ያሳትማል፡፡ ይህ በካፒቴን ዘላለም አንዳርጌ የተጻፈው የአቪዬሽን ታሪክ መጽሐፍም በዚህ ሙያውን ጠብቆ በተከናወነ ሒደት አልፎ የታተመ፣ የታሪክ ክፍተትን የሚሞላ ሥራ ነው፡፡

መጽሐፉ ከዚህ በፊት በተበታተኑ ጥናቶች ካልሆነ በቀር፣ በተለይ በአገር ውስጥ ቋንቋ በወጉ ያልተጻፈው፣ ከ1921-28 ያለው የኢትዮጵያ አቪዬሽን ታሪክ ላይ የሚያተኩር እና ይህንኑም በዝርዝር በጥልቀት ይተነትናል፡፡ በማዕከላዊነት ደግሞ “ፀሐይ” በተባለችው እና በ1928 እዚሁ አገር “ተሠርታ” አገልግሎት ከመስጠቷ በፊት በኢጣሊያ ወረራ ምክንያት ወደ ሮም የተወሰደችው አውሮፕላን በምን መነሻ እና በማን እንደተሠራች፣ አገነባቧ እንዴት እንደነበረ፣ ከኢትዮጵያውያን መካኒኮች በግንባታዋ ላይ እነማን እንደተሳተፉ፣ ተሠርታ ስትጠናቀቅ ስለነበራት ገፅታ፣ በወረራው ጊዜ እንዴት ወደ ኢጣሊያ እንደተወሰደች፣ አሁን የት እና በምን ሁኔታ ላይ እንዳለች በዝርዝር ይተርካል፡፡

በፀሐይ አማካይነት ኢትዮጵያውያን የሥልጣኔ ማለዳ ላይ እንደነበሩ በማሳየት በትውልዱ ላይ ቁጭት ለማሳደር ይጥራል፤ ፀሐይን ወደ አገሯ ማስመለስ ቅርስን ብቻ ሳይሆን የሥልጣኔ ምልክታችንን ማስመለስ እንደሆነም በአፅንዖት ይገልጻል፡፡

ከዚሁ ጎን ለጎንም፣ በኢትዮጵያ አቪዬሽን ታሪክ ከፍተኛ አስተዋፅዖ ያበረከቱ የውጭ አገር ባለሙያዎችን በልካቸው ይዘክራል፤ የተጋነነ ታሪክ ተጽፎላቸዋል ያላቸውን የውጭ አገር ባለሙያዎች ታሪክ ደግሞ በማስረጃዎች አስደግፎ ይሞግታል፡፡

በዋነኛነትም በታሪካችን የመጀመሪያዎቹን ኢትዮጵያውያን የበረራ ተማሪዎች እና ትምህርት ቤቶች፣ የመጀመሪያዎቹን አውሮፕላኖቻችንን እና አብራሪዎቻቸውን፣ የመጀመሪያዎቹን ኢትዮጵያውያን የአውሮፕላን መካኒኮች ታሪኮቻቸውን፣ በፎቶግራፎች እና በንድፎች አስደግፎ ይዘክራቸዋል፡፡ ለአውሮፕላኖቹ የሕይወት ታሪኮች፣ ከአብራሪዎቹና ከመካኒኮቹ የሕይወት ታሪኮች ባልተናነሰ ትኩረት ይሰጣል፡፡

“ፀሐይ” በመጻሕፍት፣ ባልታተሙ የግል ማስታወሻዎች፣ በጥንት ጋዜጦችና መጽሔቶች፣ በጥናት ጽሑፎች እና በቃለ መጠይቆች የዳበረ፣ ከኢትዮጵያ ታሪክ ክፍተቶች አንዱን የሚሞላ የተዋጣለት መጽሐፍ ነው፡፡

መጽሐፉን ብሔራዊ ቴአትር ጀርባ፣ በዐይናለም የመጻሕፍት መደብር በተመጣጣኝ ዋጋ ያገኙታል፡፡

================================================================

ተፈሪ ዓለሙ ስለ “ፀሐይ” መጽሐፍ በሸገር የቅዳሜ  ጨዋታ  ያቀረበውን ዝግጀት ሙሉውን ለመስማት  ይህን ይጫኑ

የምርምርና የከፍተኛ ትምህርት ተቋማት ሴቶች መማማሪያ መድረክ

የኢትዮጵያ ሴቶች መማማሪያ መድረክ  መጠናከር በከፍተኛ ትምህርትና በምርምር ተቋማት ደረጃ ሴቶችን በማብቃት እና ወደ አመራር በማምጣት ረገድ ጉልህ ሚና እንደሚኖረው ተገለጸ። የኢትዮጵያ ሳይንስ አካዳሚ ከዓለምአቀፍ ሣይንስን የማምጠቅና ፖሊሲ መረብ /International Network for Advancing Science and Policy (INASP)/ የተሰኘና  ተቀማጭነቱ ለንደን ከሆነው ድርጅት ጋር በመተባበር የኢትዮጵያ የሥርዓተ ጾታ መማማሪያ መድረክ የሥርዓተ ጾታ አሸናፊዎች /Gender Champions/ በሚል […]

Read More

Congratulations!

Congratulations to Professor Atalay Ayele, a member of the Ethiopian Academy of Sciences (EAS), for receiving the American Geophysical Union (AGU) 2021 International Award for his outstanding contribution to advancing the Earth and space sciences and using science for the benefit of society in developing countries, among other accomplishments. As Susan Lozier, President of the […]

Read More

የኢትዮጵያ ዳር ድንበር፤ ያልተቋጨ የቤት ሥራ

የኢትዮጵያ ሳይንስ አካዳሚ ፕሬስ ያሳተመውን “የኢትዮጵያ ዳር ድንበር፤ ያልተቋጨ የቤት ሥራ“ የተሰኘ መጽሐፍ አስመረቀ፡፡ በዶክተር በለጠ በላቸው ይሁን ተጽፎ በኢትዮጵያ አካዳሚ ፕሬስ የታተመው መጽሐፍ የመንግሥት ከፍተኛ አመራሮች፣ ምሁራን፣ የተለያዩ የዘርፉ ባለሞያዎችና ተጋባዥ እንግዶች በተገኙበት ነሐሴ 28 ቀን 2013 ዓ. ም በሂልተን ሆቴል  በይፋ ተመርቋል፡፡ በዚህ ጥራቱን አስጠብቆ መጽሐፉን ባሳተመው የኢትዮጵያ ሳይንስ አካዳሚ እና የሕትመት ወጪውን […]

Read More